शितल सावदेकर प्रतिनिधी
यंदाचा राज्यस्तरीय ‘ संजीवनी ‘लोककवी पुरस्कार ‘ 2024 जाहीर झाला आहे !
साहित्य क्षेत्रातील भरीव योगदान लक्षात घेवून सदर पुरस्कारासाठी शाहीर मनोहर पवार केळवदकर यांच्या साहित्य काव्य क्षेत्रातिल भरीव कार्य लक्षात घेवून त्याची निवड समिती व्दारे निवड करण्यात आली . संजीवनी बहुउद्देशिय शिक्षण प्रसारक संस्था केळवद ता चिखली जि. बुलढाणा ( विदर्भ ) ही महाराष्ट्रातील अग्रगण्य महाराष्ट्र शासन पुरस्कार प्राप्त संस्था असून या संस्थेव्दारे विविध उपक्रम राबविले जातात . संस्थेचे कार्य पुर्ण महाराष्ट्रभर आहे . या सेवाभावी संस्थेचे अध्यक्ष डॉ. निवृत्तीभाऊ जाधव असून त्यांनी विविध क्षेत्रातील गुणवंत व्यक्ती निवडून त्यांना संस्थेव्दारे राज्यस्तरीय पुरस्कृत केले आहे . शाहीर मनोहर पवार केळवदकर ‘कवी लेखक ‘ असून त्यांच्या विविध कविता महाराष्ट्रात अनेक दैनिकात मसिकात रोज प्रकाशीत असतात . ते विविध साहित्य संमेलनात सहभागी असतात . साहित्य चळवळ व वाचन संस्कृति चालविणारे ‘उज्जैनकर फाऊंडेशनचे ‘ते जिल्हा अध्यक्ष ‘ असून महाराष्ट्र व राज्याबाहेर गुजराथ ‘ गोवा ‘दिल्ली ‘ येथे त्यांनी आपल्या काव्य रचना सादर केल्या आहेत त्यांना यापूर्वीच पुणे येथे ‘ जिल्हा भूषण ‘ पुरस्काराने गौरविले असून गोवा राज्यात ‘ शाहीरी गौरव ‘ पुरस्काराने सन्मानित करण्यात आले असून विविध पुरस्कार त्यांच्या नावावर आहेत ते मानधन प्राप्त शाहीर आहेत . त्यांनी शासनाच्या विविध कला महोत्सव उपक्रमात सहभाग नोंदविला ‘ असून ‘ महाराष्ट्र साहित्य संस्कृती मंडळ पुणे ‘ यांच्या वतीने काव्यसंग्रह प्रकाशित होत आहे .. तर चार इतर काव्यसंग्रह प्रकाशनाच्या वाटेवर आहेत . कवीवर्य मंगेश पाडगावकर ‘ नामदेव ढसाळ ‘ शंतनु चिंधडे . ‘ आदी सोबत मुंबई येथे काव्य वाचनाचा योग त्यांना प्रथमच प्राप्त झाला आहे . त्यांच्या भावी साहित्य सेवेला कार्याला हार्दिक शुभेच्छाचा वर्षाव होत आहे ..
