सामाजिक कार्यकर्ते रफिक भाई यांच्याकडून पत्रकार दिनानिमित्त पत्रकारांचा सन्मान….

अंगद सुरोशे हिमायतनगर / प्रतिनीधी

हिमायतनगर शहरातील पत्रकार भवनाचा प्रश्न आमदार जवळगावकरांशी चर्चा करून मार्गी लावणार – शेख रफीक शेख मेहबुब ( मा. कृषी उत्पन्न बाजार समिती सभापती)

हिमायतनगर – पत्रकार दिनाचे औचित्य साधून दर्पणकार बाळशास्त्री जांभेकर यांच्या जयंतीनिमित्ताने दिनांक 7 जानेवारी रोजी हिमायतनगर येथील शासकीय विश्रामगृह येथे हदगाव हिमायतनगर तालुक्यातील लोकप्रिय आमदार माधवराव पाटील जवळगावकर यांच्या मार्गदर्शनाखाली काँग्रेस तालुका व शहर शाखेकडून हिमायतनगर येथील पत्रकारांचा सन्मान करण्यात आला.

या बाबत सविस्तर वृत्त असे की पत्रकार दिन तथा दर्पण दिनानिमित्त सर्व पत्रकार बांधवाचा हदगाव-हिमायतनगर विधानसभा मतदार संघाचे आमदार माधवराव पाटील जवळगावकर यांच्या मार्गदर्शनाखाली हिमायतनगर येथील शासकीय विश्रामगृहात सामाजिक कार्यकर्ते शेख रफिक शेख महेबूब यांच्यातर्फे सर्व पत्रकार बांधवांचा सन्मान म्हणून त्यांना एक पेन व गिफ्ट देऊन सर्व पत्रकार बांधवांचा स्तकार करण्यात आला.यावेळी शहराच्या ग्रामीण भागातील पत्रकार बांधव मोठ्या संख्येने उपस्थित होते.

यावेळी बोलताना सामाजिक कार्यकर्ते तथा कृषी उत्पन्न बाजार समितीचे माजी संचालक रफिक भाई यांनी उपस्थित पत्रकार बांधवांना असे सांगितले की आमदार माधवराव पाटील जवळगावकर यांच्याशी चर्चा करून तालुक्यातील पत्रकार बांधवांना बैठकीसाठी पत्रकार भवन उभारून देऊ व आगामी काळात हिमायतनगर कृषी उत्पन्न बाजार समितीच्या गाळे बांधकामातील एक गाळा पत्रकार भवनासाठी देण्यात येईल असे आश्वासन त्यांनी यावेळी कृषी उत्पन्न बाजार समितीचे सभापती यांच्याकडून देण्यात आल्याचे सांगितले.त्या पत्रकार भवनांमध्ये लागणारे फर्निचर मी स्वतः बनवून देण्याचे आश्वासन सुद्धा शेख रफिक भाई यांनी उपस्थित पत्रकार बांधवांना दिले.

यावेळी काँग्रेस पक्षाचे तालुका अध्यक्ष गजानन सूर्यवंशी सर , कृषी उत्पन्न बाजार समितीचे सभापती जनार्दन ताडेवाड,काँग्रेस शहर अध्यक्ष संजय माने,योगेश चिल्कावार,प्रवीण कोमावार, पंडीत ढोणे,ज्येष्ठ पत्रकार परमेश्वर गोपतवाड,प्रकाश जैन, कानबा पोपलवार,वसंत राठोड,अनिल मादसवार,दिलीप शिंदे,अनिल भोरे, गंगाधर वाघमारे,पांडुरंग गाडगे,असद मौलाना, नागेश शिंदे, मनोज पाटील,सोपान बोंबीलवार,अनिल मादसवार, गोविंद गोडसेलवार,धोंडोपंत बनसोडे, गंगाधर गायकवाड,विजय वाठोरे,अल्ताफ शेख,दाऊ गाडगेवाड,सिधोदन हनवते,अनिल नाईक, अंगद सुरोशे, नागोराव शिंदे ,विष्णू जाधव,कैलास कांबळे,चांदराव वानखेडे,राम चिंतलवार,धम्मा मुनेश्वर,देवानंद गुंडेकर, प्रशांत राहुलवाड,विकास गाडेकर, कृष्णा राठोड यांच्यासह असंख्य पत्रकार बांधव, संपादक व सोशल मीडियाचे पदाधिकारी व कार्यकर्ते मोठ्या संख्येने उपस्थित होते..