💐 *सगुण* 💐

दिवस कसे वाऱ्यासारखे
चालले आहेत निघून
काळ लागला पाठीमागे
झटपट घ्या रे जगून….!

झोप नाही आराम नाही
रोजचीच असते घाई..
एवढं सारं करून तरीही
हाती काहीच नाही…

समजत नाही आपण हे सारं
कुणासाठी करतो..?
आपल्यासाठी नसतेच काही
भविष्यासाठी मरतो…!

उगाच डोक्यात घेऊन बसतो
संशयाचे भवरे
जुळवा जुळवा करण्यातच काही
वेडे झालेत नवरे..!

घरदार आणिक बायको पोरं
एवढंच असते गणित
सारंच उभं करत असतो
अडी, अडचणीत….

कोण असतो आपल्या मागे
‘निष्ठावंत वारस..?
कळते नसते त्याला आपल्या
जगण्यामधलं सारस…?

तरीही असतो माणूसआपला
धाव धाव’ धावत
विचाराचा डोंगर त्याच्या
मेंदूत नाही मावत…

डावा वरती जिंदगी
देतच असतो लावून
माहित नसते त्याला आपण
करून राहिलो काहून..?

आपल्याही आधी या पृथ्वीवर
माणसं गेलीत जगून
आपणहीआता जगतच आहोत
घेऊन त्यांचा सगुण…

दुसरं तिसरं काहीच नसतं
यालाच म्हणतात ‘जगणं..
प्रत्येकाचं वेगळं असतं
जगण्याकडे बघणं…!

जगलो तरीही, वाटत राहील
आपण जगलोच नाही
आली असती आणखीन मजा
आपण बघलोच नाही…

कुणाच्या हाती मोती
आणि कुणाच्या हाती माती
कुणा सुखाचे दिवस
आणि कुणा दु:खाच्या राती…

घेता येईल तेवढा यातला
आनंद’ घ्यावा टिपून
बाकी जे जे नको ते ठेवा
भिंती मध्ये लिपून..!

✍️– नंदू वानखडे
मुंगळा जि.वाशिम

👉 प्रकाशन- साप्ताहिक भुमी राजा न्युज चॅनल नांदेड