हेमंत शिंदे – नाशिक जिल्हा संपादक भूमीराजा न्यूज़
मो नंबर -8983319070
महाराष्ट्र राज्य परीक्षा परिषदे तर्फे घेतलेल्या शिक्षक अभियोग्यता व बुद्धिमापन चाचणी 2022 या टैट परिक्षेचा निकाल नुकताच जाहीर झाला आहे. या परिक्षेच्या निकालाचे गुणपत्रक उमेदवारांना ऑनलाइन उपलब्ध करुन देण्यात आले आहे. उमेदवारांनी परिक्षेच्या निकालाचे गुणपत्रक 20एप्रिल च्या आत डाउनलोड करुन घ्यावे, असे आवाहन परीक्षा परिषदेने केले आहे.
परीक्षा परिषदेने टैट 2022 या परिक्षेचा निकाल जाहीर करताना उमेदवारांना गुणपत्रक उपलब्ध करुन दिले नव्हते. दरम्यान, टैट च्या निकालात टीईटी गैरव्यवहरात प्रतिबंधित केलेल्या उमेदवारांची नावे असून टीईटी परिक्षे प्रमाणेच याही परिक्षे त गैरव्यवहार झाल्याचे उमेदवारांचे म्हणणे आहे.
दरम्यान, परीक्षा परिषदेने या परिक्षेचे गुणपत्रक उपलब्ध करुन न दिल्याने यात गैरव्यवहाराची शक्यता दृढ होत आहे. त्यामुळे परिक्षा परिषदेने गुणपत्रक उपलब्ध करुन दयावे, अशी मागणी उमेदवारांनी केली होती. दरम्यान, गुणपत्रक डाउनलोड करुन त्याची एक प्रतप्रक्रिया पुर्ण होईपर्यंत जपून ठेवावी, असे परीक्षा परिषदेने स्पष्ट केले आहे.
