शेतकर्यांच्या हाती आलेलं
पीक जेव्हा वाहून जाईल
तेव्हा त्याची ही दिवाळी
कशी काय साजरी होईल
बारा महिने शेतात राबून
उसनवारी करून काय उरलं
परतीच्या पावसाने तर सारं
त्याच्या डोळ्यात पाणी आणलं
पाण्यासारखा ओतला पैसा
चार आणे उतरावेत म्हणून
त्यात भाव गेले मालाचे पडून
काय उपयोग आता सांगून
उत्पन्नापेक्षा खर्च झाला जास्त
कशी होईल आमची भरपाई
घरची सगळी माणसं शेतात
तरीपण शुन्यच झाली कमाई
आली दिवाळी आनंदाची तरी
आतून पसरला चिंतेचा अंधार
कशी फिटेल मग आमची बाकी
खेळतो नाव सांगून शेतीचा जूगार
धरलं तर चावते सोडलं तर पळते
अशी अवस्था झाली शेतकर्यांची
सांगताही येईना सोडताही येईना
फक्त नावाला शेती आहे म्हणायची
याला जुगार म्हणावं की व्यवसाय
हेच आता कोणीतरी खरं सांगावं
यापेक्षा अधिक तरी शेतकऱ्यांनी
काय बरं उपाय योजना करावी.
दत्ताहरी एकनाथराव कदम
मु. पो. मातुळ ता. भोकर
जि. नांदेड ९७६४९६१२४५