मारोती अक्कलवाड पा. सवनेकर
जिल्हा संपादक नांदेड
दिनांक- 03 सप्टेंबर 2022
हिमायतनगरहुन ग्रामीण भागातील खेड्याकडे जात असतांना मृत झालेली जनावरे रस्त्याच्या कडेला टाकली आहेत. या मृत जनावरांच्या शरीरावर अळ्या पडल्या असुन, सुटलेल्या दुर्गंधीचा त्रास ग्रामीण भागातील शेतकरी, विद्यार्थीयांना होत आहे.
या मृत जनावरांमुळे वातावरणात प्रदुषित होत असुन, आजुबाजुला शेती असलेल्या शेतकरी, महिला मजुर भगिनींना व येणा-या जाणा-या शालेय विद्यार्थ्यांचे आरोग्य प्रचंड धोक्यात आले आहे. सदरील रोडवरुन प्रवास करीत असलेली व्यक्ती नाका, तोंडावर हातरुमाल घट्ट बांधुन प्रवास करीत असल्याचे चित्र दिसत आहे.
हि मृत झालेली जनावरे कोणी रस्त्यावर टाकली यांचा शोध घेऊन संबंधित व्यक्तींवर कारवाई करण्याची मागणी प्रवाशांकडून होत आहे.
